குறிப்புக்கள் - (Notes)
வேறுபாடுகள் - (Pathanthara)
சில புத்தகங்களில், இப்பாடலின் ராகம் 'காமவர்த்தினி' என்று கொடுக்கப்பட்டுள்ளது.
² - ப்ரஹ்லாது₃னிகி - ப்ரஹ்லாது₃னகு.
Top

மேற்கோள்கள்
¹ - பே₄த - மத்வாசாரியரின் கோட்பாடாகிய 'துவைதம்', பேத வாதம் எனப்படும். பேத வாதமும், மத்வாசாரியாரும்.

¹ - அபே₄த - அத்துவைதம்.

¹ - பேத-அபே₄த - துவைத-அத்துவைதம்

ஆதி சங்கரர் இயற்றிய, 'ஷட்பதீ' தோத்திரத்தில் 'பேத-அபேத' கொள்கையின் சாயல் தெரிகின்றது -

"தலைவா! (நமக்குள்) வேறுபாடுகள் மறைந்தாலும், நான் உன்னவனாவேனே யொழிய, நீ என்னவனாவதில்லை.
எங்ஙனம், அலைகள், கடலைச் சேர்ந்தவையே யன்றி, கடல், அலைகளைச் சேர்ந்தததாகாதோ, அங்ஙனமே." (3)
Top

விளக்கம்
¹ - பே₄தா₃பே₄த₃ ரஹிதமகு₃ வேதா₃ந்த ரஸ ப₄ரிதுடு₃ - பேத-அபேதகங்களற்ற வேதாந்த சாரம் நிறைந்தோன் -

இரண்டாவது சரணத்தில், 'தன்னைவிட்டகலாத காதலுடன்' என்று கூறப்பட்டுள்ளது. நாரதரால் இயற்றப்பெற்ற 'நாரத பக்தி சூத்திர'ங்களில், 'பர-பக்தி' அல்லது 'முக்ய பக்தி' அல்லது 'அனுராகம்' எனப்படும், இறைவனிடம், தொண்டன் கொள்ளும் பெருங்காதலைப் பற்றி விவரிக்கப்பட்டுள்ளது. என் சிற்றறிவுக்கு எட்டியவரை, 'பேத-அபேதகங்களற்ற வேதாந்தம்' என்பது, அத்தகைய 'பர-பக்தி'யினைக் குறிக்கும்.

³ - ஜயமு ஜயமு ஜயமனி - வெற்றி, வெற்றி, வெற்றி யென - மும்முறை கூறுதல் உறுதிப்படுத்துவதாகும்.

இப்பாடல் 'பிரகலாத பக்தி விஜயம்' என்ற நாட்டிய-நாடகத்தின் அங்கமாகும். இப்பாடலில், நாரதர், அரி, பிரகலாதனைக் காண வரப்போகும் நற்செய்தியினை, பிரகலாதனுக்குத் தெரிவிக்க, புறப்படுவதனை தியாகராஜர் விவரிக்கின்றார்.
Top

பாராயணம் செய்துகொண்டு - இடைவிடாது ஓதுதல்
பேதம் - பரமான்மாவும் சீவான்மாவும் வேறெனல்
அபேதம் - பரமான்மாவும் சீவான்மாவும் ஒன்றேயெனல்
வேதாந்த சாரம் நிறைந்தோன் - நாரதரைக் குறிக்கும்
ஒளிரும் - அரியைக் குறிக்கும்
தியாகராசனுக்கினியோன் - அரி
Top